screw-1
wall
screw-3 tape measure

綁好安全帶,準備見證飛行歷史 !

關於RED BULL飛行日

Red Bull Flugtag飛行日將會挑戰聰明又大膽嘅飛行勇士,創造同操作自家製嘅飛行器,希望可以喺6米高嘅高台一飛沖天…又或者會直插入水。

Flugtag,即係德文「飛行日」咁解,呢個獨特嘅飛行大賽,突破人力飛行器嘅極限,絕對唔只用喺空中停留嘅時間嚟定勝負,仲有三大評分標準:飛得有幾遠、設計有幾創意同埋表演有幾精彩,去展現自己嘅創造力量同冒險精神。

自1992年以嚟已經舉辦咗超過150次Red Bull Flugtag 飛行日活動。Red Bull 已將啲翼散佈喺世界各地,喺瑞典、莫斯科、加拿大、芝加哥、阿根廷、澳洲同埋南非等不同嘅城市展翅高飛。

  • 1480
  • 1799
  • 1800
  • 1903
  • 1992
  • NA
  • NA
  • NA
  • NA
  • NA
  • NA
  • NA
  • 2010
  • NA
  • 2014

飛行夢威水史

仲有唔少得RED BULL Flugtag飛行日嘅故事,話晒我哋都有返咁上下歷史

15世紀

李安納度・達文西-開始研究人力飛行器

李安納度・達文西係第一個開始認真研究飛機嘅人,仲累積咗超過一百幅圖畫闡述佢嘅研究理論。

威水作品:撲翼機

1799 - 1850

喬治凱利爵士-早期嘅滑翔機

喬治凱利爵士發現咗飛行嘅方法,仲設計咗唔同類型嘅滑翔機添。 威水成就:改善機翼形狀,修正空氣氣流。

19世紀

奧圖・李連泰-德國「滑翔機之王」

德國工程師奧圖・李連泰繼續發展滑翔機理論,佢係第一個設計出可載人長途飛行滑翔機嘅人。佢係1889年出版嘅一本於關於空氣動力學嘅書,仲成為咗萊特兄弟早期飛行器嘅設計基礎。

威水成就:喺最終屈服於地心吸力之前,成功行咗超過2500次。

NA

NA
NA

NA
NA

NA
NA

NA
NA

1903

萊特兄弟第一架飛機

萊特兄弟第一架飛機 花咗多年時間去研究早期嘅飛行發現之後,萊特兄弟開始好似凱利咁,經常用滑翔機飛行。佢地專注喺滑翔機度,不斷改進以動力操作嘅飛行實驗。

威水成就:第一架120英尺長、重過空氣嘅飛機--小鷹號

NA
NA

NA
NA

NA
NA

NA

1992

首屆Red Bull Flugtag飛行日

史上第一屆Red Bull Flugtag飛行日喺奧地利維也納舉行,獲得空前成功。從此,Red Bull Flugtag飛行日就成為咗一年一度嘅盛事,至今已經喺68個城市舉辦過。比賽以三方面嘅表現評分:飛得有幾遠、設計有幾創意同埋表演有幾精彩。

NA

NA

NA

NA

NA

NA

NA

NA

NA

NA

NA

NA

NA

NA

NA

NA

NA

NA

NA

NA

NA

2010

亞洲首屆人力飛行大賽

香港飛行愛好者嘅勇氣同腦力絕對唔輸畀其他國家,可能因為咁,Red Bull喺香港舉辦咗亞洲首屆「Red Bull Flugtag 飛行日」,俾香港人實踐飛行夢。

威水成就:比賽吸引咗差唔多三萬位觀眾親臨現場為飛行員打氣,成為當年城中熱門話題。

NA

NA

NA

2012

RED BULL Flugtag 飛行日載譽歸來

經歷漫長嘅四年時間,Red Bull Flugtag飛行日終於回歸香港,再次挑戰香港人膽色。備戰已久嘅香港飛行員個個磨拳擦掌,製造出一架架創意爆燈嘅飛行器,認真嘅表現吸引咗令嚟愈多人想飛!

著名成就:當年大會總共收到破晒紀錄的284份報名申請,成功喺香港掀起飛行熱!

常見問題

幾時舉行第一次嘅RED BULL Flugtag飛行日?

有史以來第一次嘅Red Bull Flugtag飛行日大賽係喺1992年奧地利舉行。

RED BULL Flugtag飛行日飛得最遠嘅記錄係幾多?

最遠嘅飛行記錄係78.6米,喺2013年加州長灘度創下。係咪好勁呢?

今年嘅Red Bull Flugtag飛行日喺香港邊度同幾時舉行㗎?

日期、時間同地點遲啲會公佈,請留意住我們!

有幾多隊能夠參賽?

今年,我哋將會喺提交咗嘅申請入面挑選40隊參賽。

比賽會點樣進行評分?

我哋已經招募咗評審團,喺當日為參賽隊伍排名同評審。評審團將會以三方面嘅表現去評分,具體如下:

距離: 仲使講?總之,飛得幾遠就飛幾遠。每隊隊伍都係以一樣標準去考量,確保大家可以得到盡可能最高嘅分數。

創意: 即係你嘅飛行器同隊伍嘅設計同原創性,越爆越好。

表演: 你嘅隊伍起飛之前要喺平台上面表演,到時就係你用才藝震攝評判同冧盡觀眾嘅好機會!有表演,當然唔少得音樂囉。記得揀好你嘅音樂,喺比賽前預先連同段落交俾我哋,等我哋可以做好準備。

 

我無入選,但我可唔可以帶自己嘅飛行器喺一齊玩?

恐怕唔得,始終我哋大無畏嘅隊伍為咗得到Red Bull飛行日參賽資格付出咗好多努力,所以呢一日只係得佢哋可以飛。

活動當日會唔會有其他娛樂活動?

有,現場會有好多其他活動,等你開開心心,流連忘返!但當日嘅主菜當然係睇40個大無畏嘅飛行員點樣係6米高嘅高台,將自己同佢哋架飛行器插水落海!

活動有冇入費?可唔可以帶埋小朋友去?

Red Bull Flugtag飛行日係免費開放畀所有年齡嘅人,唔使門票,大人細絡都歡迎。

我可唔可以帶我隻寵物嚟呢?

由於當日有太多觀眾,我哋要求大家將寵物留喺屋企。不過服務性質嘅動物當然歡迎!

可唔可以喺RED BULL Flugtag飛行日影嘅相同拍片擺上網分享㗎?

當然可以,分享時記住用 #RedBullFlugtag 同tag 返我哋 Facebook: @redbull Instagram: @redbullhk

你哋會唔會招募義工喺活動當日幫手?

我哋所有工作點都已經安排好負責嘅人員,不過我哋仍然好歡迎你作為一個觀眾好好享受呢個活動!

現場有無食物同飲品可以買?

有,到時會有幾個地點同供應商喺現場提供各種食物同飲品。而現場係禁止任何酒精飲品。

現場會唔會有急救設備?

有,現場會有急救站,一望就見到。

贏出嘅隊伍會有咩獎品?

大家拭目以待啦!

如果我仲有其他問題想問?

如果你仲有其他問題喺呢度搵唔到答案,就電郵嚟redbullflugtag2016@hk.redbull.com

比賽規則

1

安全

2

建造

3

隊伍

Red Bull Flugtag 飛行日旨在同參賽者同觀眾一齊開心吓,但只係靠一架自製嘅飛行器由6米高嘅高台飛落海明顯地係存有一定嘅風險,所以我哋要求參賽者必須遵守以下嘅基本規則。

所有跳落海嘅參賽者必須著上由大會提供嘅救生衣同頭盔。

機師絕對唔可以綁喺飛行器上面,亦唔可以困喺使用任何無法輕易逃脫嘅膠囊或駕駛艙
。

所有服裝都唔可以構成被困喺機身、阻礙機師視線、呼吸或活動能力嘅危險。所有會跳落水嘅機師同地勤人員必須能夠喺無輔助工具嘅情況下游到不少於一百碼嘅距離。當你設計服裝時,記住你要著住佢嚟游水。

各隊伍必須為各自飛行器嘅安全設計同構造負責,我哋亦會盡我哋所能幫手。你哋嘅設計將會受到我哋嘅安全小組檢測,以確保你嘅飛行安全。如果安全小組唔係100﹪滿意,你就要乖乖地作出調整。

當你喺現場為飛行器作出最後調整,同埋準備起飛嘅時候,機師同所有地勤人員嚴禁喺酒精影響下行動,換言之,你哋絕對唔可以喺嚴重宿醉嘅情況下起跳。違反嘅參賽者或者隊伍將會被取消資格。

你將會跌落水,所以一定要確保你嘅飛行器可以浮得起。盡可能選用比水更輕嘅材料,例如木材同塑膠,而少用金屬。當然,可能有部分嘅設計需要用到金屬,如果係咁,就要確保金屬部分連接住漂浮裝置。

所有飛行器只能用人力推動,不能用電力、引擎、燃燒物料或彈性物料推動。

飛行器必須由隊伍親自設計同製造,唔可以用輕型飛機或者懸掛式滑翔機輔助。

設計由翼尖到翼尖不得超過6米(假設有類似翼嘅設計),由機頭到機尾亦不得超過6米(又假設你有咁嘅設計)。飛行器唔可以超過100公斤。機師必須要喺飛行器以適當嘅姿勢蹲好,高度唔可以超過3米。

為咗令你嘅飛行器容易上到高台同埋方便俾工作人員從大海回收,所以整得愈輕愈好,最好用唔太吸水嘅物料(例如厚布)。你嘅服裝都應該一樣。

我哋有責任保護我哋嘅環境,所以避免用一啲水溶性丶有毒材料丶碎濕濕或嘅難以清理嘅物料,換言之,你要精心選擇製造飛行器嘅材料。

設計同製造過程中,要考慮到飛行器沖落水嘅情況。

必須確保駕駛艙周圍無任何有可能會造成傷害嘅堅硬或尖銳嘅表面。

所有飛行器將會由大會嘅工作人員喺大海度回收!

每隊限於四個飛行勇士組成,包括一名機師同三名地勤人員。

所有參賽者必須年滿18歲並確保其身體健康狀況及體格適宜參加飛行日。